Autoriteti finlandez i sigurisë ushqimore së bashku me atë irlandez do të asistojnë vendin tonë për të rritur sigurinë ushqimore, standardet veterinare dhe fitosanitare.
Kjo falë lancimit të projektit 4-vjeçar, i cili mbështetet nga BE me një buxhet prej 5 milion eurosh. Sipas ambasadorit të BE në vendin tonë, Luigi Soreca, ky projekt pritet ti hapë rrugën produkteve shqiptare në tregjet e BE.
I pranishëm në lancimin e projektit ministri i bujqësisë Blendi Çuçiu shpreh se kjo pritet të sjell jo vetëm garanci për konsumatorin shqiptar por edhe zhvillim të bujqësisë dhe ekonomisë në tërësi, raporton Scan.
Për ministren e shtetit për çështjet Evropiane të Finlandës dhe sekretarin e shtetit të ministrisë së jashtme të Irlandës, dy vendet që do të asistojnë në këtë projekt, kjo është një mundësi e mirë për të rritur bashkëpunimin dhe për të përçuar përvojat më të mira në këtë sektor.
