Kreu i grupit parlamentar Taulant Balla ka replikuar me ish-kryeministrin Sali Berisha lidhur me ngjarjet e fundit në rajon dhe qëndrimin e Shqiëprisë sa i përket ndarjes së mundshme të territoreve të Kosovës.
Balla nuk ka nguruar të rikthejë kujtesën ku sipas tij ka qenë pikërisht Sali Berisha ai që ka furnizuar makinerinë ushtarake të Serbisë me naftë”.
“E filloi të energjia dhe pastaj shkoi te marrëveshja mes Kosovës dhe Serbisë, sepse nganjëherë gjuha shkon ku dhemb dhëmbi, Sali, ti e mbylle kohën tënde me shumë pika të zeza, por një prej tyre është sabotimi që i bëre pavarësisht energjetike të Kosovës, duke bllokuar linjën e transmisionit mes Shqipërisë dhe Kosovës’, ka thënë Balla.
Ndërkohë nga ana tjetër Sali Berisha i është përgjigjur Ballës duke i kujtuar ‘ se ku e ka shfein aktualisht që Kosova ka më shumë nevojë se kurrë për mbështetjen Shqiptare?’
Fjala e Berishës në Kuvend
“Zografi i dytë ka marrë përsipër të bëjë tregti territoresh ën Kosovë me argatët e Beogradit në Prishtinë. Lexojeni një intervistë të ministrit gjerman sot. Është socialdemokrat. Shikoni çfarë thotë dhe çfarë çmimi ka Shqipëria në këtë aferë.
“Këshilltari i Ramës kur fliste, thoshte “Merkelli” e shqiponte sllavisht. Asgjë nuk e cenon më shumë sigurinë tonë sesa argatët e Beogradët për karrigen e tyre.
Ne e mbështesim fuqimisht marrëveshjen, por… pa copëtim të territoreve. Copëtimi i territoreve hap Kutinë e Pandorës, copëtimi i territoreve sjell bllokim automatik të integrimit!
Po ju jap një shembull: Gjatë vizitës së presidentit Bush në Shqipëri ishte një moment i tillë, me të dy delegacionet. Presidenti më drejtohet, më thotë: “Më thuaj, cili është mendimi juaj për Kosovën, si zgjidhje?”
Natyrisht, unë mbrojtja me të gjithë argumentet që kisha, Pavarësinë.
Aty për aty më kthehet: “Qëndrojnë këto që thua ti. Kur mendon ti se duhet shpallur?”
Këta që ishin aty hapën sytë. Menduan se unë do t’i thosha “sot ose javën që vjen”.
“Jo, – i them! – Zoti President, meqë ju e keni bërë mendjen dhe shqiptarët do t’ju jenë përgjithmonë mirënjohës, merrni kohën tuaj! Se ne nuk duhet të bëhemi mollë sherri midis jush dhe Bashkimit Europian. Ky proces duhet të eci, dihet se kë kemi mik ne, dihet cili është destinacioni ynë. Ky proces duhet të eci me një mirëkuptim. Jo siç bën zotëria me argatët e Beogradit.”/Boldnews.al/
https://www.facebook.com/partiademokratike/videos/286601658686220/
