Lidhur me ngjarjen e rëndë që tronditi ditën e djeshme qytetin e Vlorës ku Teodor Lera pas një konflikti verbal që pati me bashkëshorten e tij Eva Lera ka marrë një thikë dhe e ka qëlluar. Më pas nga tentativat dhe rezistenca që pati Eva për tu larguar ai e ka kapur atë për fyti dhe e ka mbytur. Në gjendje shoku ai ka tentuar më pasë të vrasë dhe veten duke prerë damarët.
Çifti prej disa ditësh kishin pasur konflikte me njëri-tjetrin dhe për ti pajtuar vajza e vogël e çiftit që jetonte në Tiranë kishte shkuar në Vlorë për ti pajtuar por I gjeti të dy prindërit të mbuluar me gjak.
57-vjeçari u dërgua në Spitalin Rajonal të Vlorës, mjekët bëjnë të ditur se ndodhet jashtë rrezikut për jetën.
Policia, e cila ndodhet vetëm 50 metra larg banesës, është njoftuar nga vajza e vogël e çiftit, e cila në ato momente sapo ishte kthyer nga Tirana, ku studion. Veç saj, çifti Lera ka dhe dy fëmijë të tjerë, të cilët jetojnë jashtë vendit, vajza e madhe në SHBA dhe djali në Angli.
Mësohet se vajza e vogël ka përjetuar tronditje të thellë, pasi ka përjetuar nga afër konfliktin e prindërve që përfundoi me vrasjen e nënës së saj. E vënë në dijeni për acarimin e marrëdhënies së tyre, ajo kishte vendosur që të udhëtonte nga Tirana për në qytetin bregdetar për të qetësuar gjakrat mes tyre.
Por, pa mbërritur ende në banesë, ajo ka parë skenën tek pallati, nëna e saj ishte e shtrirë pa jetë, ndërsa babai ishte i mbuluar në gjak.
