Gjatë vizitës zyrtare në Gjermani, Kryetari i Parlamentit, Gramoz Ruçi dhe kryetari i Grupit të PS-së, Taulant Balla janë pritur nga Ministri për Europën, Michael Roth.
Për këtë takimi, Taulant Balla ka publikuar një mesazh në rrjetin social Twitter, ku thekson se Ministri për Europën, Roth është një mbështetës i fortë dhe i përkushtuar i rrugës së Shqipërisë në Bashkimin Europian.
Sipas Ballës tani është momenti për të filluar bisedimet mes BE-së dhe Shqipërisë.
“Kur është fjala për rrugën evropiane të Shqipërisë dhe Ballkanit Perëndimor, Ministri i Shtetit për Evropën, Michael Roth mbetet një mbështetës i fortë dhe i përkushtuar. Është tani momenti për të filluar bisedimet e anëtarësimit BE-Shqipëri. Ndërsa mbajtja e regjimit të vizave për Kosovën është një turp”, shkruan Balla.
Ndërkohë që zyra e shtypit të Kuvendit ka bërë të ditur se gjatë takimit, kryetari i Parlamentit Ruçi i ka thënë ministrit gjerman se maxhoranca po bën maksimumin që negociatat të çelen në qershor.
“Po bëjmë maksimumin që negociatat të çelen në qershor. Jemi të vendosur për axhenden e reformave për integrimin. Ne po intensifikojmë bashkëpunimin me fokus qershorin 2019. Vlerësim për partneritetin e ngushte ne funksion te integrimit ”, ka tha ai..
“Reforma në Drejtësi është e suksesshme”, mësohet të ketë thënë Roth, ndërkohë që ka theksuar dhe “keqardhje për mos anëtarësimin e Kosovës në INTERPOL”
