Kryeministri Edi Rama ndodhet në një vizitë zyrtare në Arabinë Saudite. Kreu i qeverisë shoqërohet në këtë vizitë nga disa nga bashkëpunëtorët më të afërt të tij siç është Endri Fuga, këshilltari për mediat i Ramës dhe Gent Cakaj, drejtuesi i deleguar i Ministrisë së Jashtme.
Por, bashkë me ta ndodhet edhe ministrja e Financave Anila Denaj.
Në videon që ka shpërndarë vetë Rama në faqen e tij në rrjetet sociale, shkruan se është pritur nga mbreti Salman Ibn Abdulaziz Al Saudi. Kryeministri thotë se janë nënshkruar disa marrëveshje shumë të rëndësishme bashkëpunimi.
“Riad, Arabia Saudite – Në pritjen shumë miqësore të mbretit Salman ibn Abdulaziz Al Saudi, ku pas drekës zyrtare u nënshkruan disa marrëveshje të rëndësishme bashkëpunimi”, shkruan Rama.
Ministrja e Financave shihet në video e mbuluar me shami, ndërkohë që nënshkruan marrëveshjen me homologun saudit.
https://www.facebook.com/edirama.al/videos/377257809758164/
Protokolli i Arabisë Saudite parashikon që gratë të jenë të veshura me ‘hijab’ gjatë kohës që qëndrojnë në këtë vend, edhe kur ato vijnë nga vende të tjera.
Megjithatë jo në gjitha rastet është respektuar. Kujtojmë këtu vizitën e familjes presidenciale amerikane në mars 2017. As Zonja e Parë Melania dhe as Ivanka Trump, vajza e kreut të shtëpisë së Bardhë, nuk ishin mbuluar me shami. As kancelaria Angela Merkel nuk mbajti shami në vizitën po në maj 2017. E njëjta histori me çiftin amerikan Obama në janar 2015, ku Michel Obama zgjodhi të shfaqej pa shami.
