Joshua Trump, djaloshi 11 vjeç, nga Delaware, i cili kohë më parë pushtoi titujt e gazetave pasi ishte ngacmuar në shkollë për shkak të mbiemrit të tij ka marrë vëmendjen maksimale edhe gjatë fjalimit të Presidentit.
Sipas “The Sun” djaloshi u ftua në fjalimin e presidentit amerikan drejtuar kombit nga Zonja e Parë, Melania Trump, e cila ka zhvilluar një fushatë publike kundër ngacmimeve ndaj fëmijëve, duke e pasur rastin e tij në vëmendje.
Dhe ndërsa fjalimi i Trump zgjati plot 80 minuta, Joshua mesa duket, duke mos kuptuar as gjysmën e gjërave që po thuheshin, u kap nga fotografët duke bërë “një sy gjumë” ndërsa ishte ulur pranë Zonjës së Parë.
Imazhet e Joshua Trump duke fjetur, po shpërndahen kudo në rrjete sociale, kryesisht nga kritikët e Presidentit që e shpallën atë një anëtar të “rezistencës anti-Trump”.
