Agim Ismaili është emëruar Drejtor i Përgjithshëm i Burgjeve, duke zëvendësuar në këtë post Stefan Çipën. Ku i fundit është emëruar në krye të Entit Kombëtar të Banesave.
Por, kush është Agim Ismaili?
Para se të zgjidhej në krye të Drejtorisë së Burgjeve, ai ka drejtuar Autoritetin Kombëtar të Ushqimit.
Në këtë post, u emërua në tetor 2018 me një vendim të Këshillit të Ministrave, duke zëvendësuar Dritan Sejkon e PDIU-së.
Asokohe, në media u publiku CV-ja e Ismaili, nga e cila është zbuluar se ka marrë një diplomë te ”Universiteti Kristal”, institucion arsimor që tanimë nuk ekziston më, pasi është mbyllur me vendim të Ministrisë së Arsimit.
Në CV, rezulton gjithashtu se anglishten e ka mësuar te “Fondacioni Soros”.
Drejtori i ri ka përvojë policore dhe ka punuar për disa vite edhe në Drejtorinë e Policisë Elektrike. Ismaili ka mbajtur për një periudhë 6-mujore edhe postin e zëvendësdrejtorit të Drejtorisë së Parandalimit të Pastrimit të Parave. /Boldnews.al/
