Studentët kanë vazhduar protestat e tyre me bojkot ngujim dhe së fundmi kanë paralajmëruar se do të futen në grevë urie. Ata shprehen të bindur për plotësimin e 8 kërkesave dhe nuk kanë pranuar bashkëbisedim.
Në fakultetin e Juridikut ditën e sotme disa studentë kanë marrë një vendim për të mbledhur firmat në kuadër të një peticioni për fillimin e një greve urie për shkakë të mosplotësimit të 8 kërkesave. Kanë qenë rreth 60 studentë të Juridikut të cilët e kanë firmosur këtë peticion.
Një nga studentët tha se “Këtë protestë e kemi nisur vetëm dhe do ta përfundojmë vetëm, për këtë kemi zgjedhur që të hyjmë në grevë urie si forma e fundit e reagimit në një sistem demokratik. Pas grevës së urisë nuk ka një lloj tjetër reagimi qytetar”.
Ndërkohë ai iu bëri thirrje kolegëve të tyre që të mos tremben nga presionet e ndryshme që vijnë nga të gjitha anët, duke ftuar sa më shumë të rinjë që ti bashkohën kësaj greve në emër të kauzës së tyre për plotësimin e të gjitha kërkesave.
Një tjetër student u shpreh se Rama është përpjekur në të gjitha mënyrat për ta përcarë protestën dhe studentët. “Mbajini për vetë presionet, me pedagogun pa pedagogun, me qeverinë pa qeverinë, me dekanët pa dekanët, ne do ti shkojmë deri në fund kësaj punë”, – u shpreh ai.
