Ish-kryeministri Sali Berisha ka prekur sërish këtë të martë çështjen e vajzës 13-vjeçe në Kavajë, e cila është abuzuar seksualisht nga disa djem.
Berisha, duke përcjellë një mesazh për të cilin shpjegon se ka shkuar në adresë së tij, denoncon se përdhunuesit u shoqëruan nga policia, por më pas u lanë të lirë.
Arsyeja, sipas mesazhit, është se, “ata djem kane baballarët biznesmenë me lidhje te forta politike dhe oficerë policie”.
“Por në polici flitet se fshehja e krimit është bërë me urdhër nga sipër me ndërhyrjen direke te kryeministrit tek Ministria e Arsimit dhe ajo e Brendshme”, thuhet gjithashtu në denoncimin e bërë publik nga ish-kryeministri, i cili ishte i pari që bëri publik këtë ngjarje. Ndërkohë që nga policia, që është organi i parë ligjzbatues që bën veprimet në të tilla raste, akoma sot nuk ka një deklaratë zyrtare për ngjarjen.
Në statutin e publikuar në faqen e tij në Facebook, Berisha shkruan:
“Urdheri per fshehjen e perdhunimit te vajzes se mitur u dha nga siper.
Familjaret denocuan ne polici krimin.
Lexoni denoncimin e qytetarit dixhital. sb
Pershendetje dr perdhunimet kan ndodhur jashte ambienteve te shkolles, mesuesja kukdestare bashke me drejtoreshen evidentojne ngjarjet, informojne mamane e vajzes. I ati ndodhej ne Itali. Informohet dhe ai, vjen nga Italia dhe bashke me vajzen bejne denoncim ne polici.
Me pas policia e ka mbajt te fshehte si akt per arsyet e veta te turpshme!
Ne polici thuhet se pas denoncimit policia e Kavajes i thirri Por u liruan menjeher njelloj si ne rastin Rexhep Rranjes. Ata djem kane baballaret biznismen me lidhje te forta politike dhe oficer policie. Por ne polici flitet se fshehja e krimit esht bere me urdher nga siper me nderhyrjen direkte te kryeministrit tek ministria arsimit dhe ajo e brendshme doktor.
Megjithate ju keni infot e tua me te detajuara”. /Boldnews.al/
