Një zjarr ka përfshirë katin e fundit të një pallati në zonën e stacionit të fundit të Tiranës së Re.
Paraprakisht, dyshohet që zjarri të ketë rënë si pasojë e rrjedhjes së gazit nga një bombël, njoftoi policia. “Rreth orës 16:15 në rrugën ‘Irfan Tomini’, në katin e pestë të një pallati, në një banesë, ka rënë zjarr i cili është fikur nga shërbimet e zjarrfikëses dhe policisë. Për pasojë kanë pësuar lëndime të lehta dy personat që ndesheshin në banesë. Paraprakisht dyshohet që zjarri të ketë rënë si pasojë e rrjedhjes së gazit nga një bombël”.
Por, ajo që e bën skandaloze situatën, është dëshmia e banorëve, të cilët shprehen se kanë telefonuar Emergjencat dhe askush nuk u është përgjigjur, por në sfond lëshonin muzikë.
Burimet nga vendi i ngjarjes bëjnë me dije se nga ky zjarr, babë e bir janë dërguar në spital, ndërsa dëmet materiale janë të shumëta.
