Përditësuar/ Kryetari i Partisë Demokratike Lulzim Basha u ndal në Lezhë, ku zhvilloi takime me qytetarë. Basha ripërsëriti edhe njëherë apelin për tu bashkuar me opozitën në protestën e 16 shkurtit para kryeministrisë në Tiranë.
“Me 16 shkurt po ju thërrasim të zgjidhni kontratën me këtë bandë që ka uzurpuar pushtetin dhe që s’ka asnjë lidhje me shqiptarët”, u shpreh Basha.
“Këtu në Besëlidhjen e Lezhës, mbrojmë lirinë, vlerat, identitetin e shqiptarëve. Popujt që nuk mësojnë nga historia, e pësojnë. Me Edi Ramën nuk ka zhvillim, mirëqënie, drejtësi, punësim, integrim europian, ditë përditë plasin skandale që tregojnë se ai është i zhytur në krim e korrupsion. Skandalet tregojnë se përse nuk ka rritje pensionesh, mbyllje shkollash, mirëqenia dhe fuqia blerëse është me ulëta, bizneset nuk kanë punë dhe mbyllen, paguajnë energjinë dhe naftën më të shtrenjtë në ballkan sepse edi rama i vjedh me një grusht njerëzish. Kemi një sharlatan që ka zaptuar selinë e qeverisë me paktin që ka bërë më Ndokët, Bajrët, Lul Berishët, Shullazët. Nuk është kryeministri i shqiptarëve e Lezhianëve. Ai është shkaku i halleve dhe problemeve tuaja”, u shpreh kryedemokrati.
Qytetar: Më kanë fatuar 200 mijë lek drita babait tim i cili është invalid pune. E kam fotokopjuar, kam ikur te OST, dhe më tha i kam harxhuar. Si i kam harxhuar? Ju jap numrat e sahatit. Si 200 mijë lek drita? Unë s’kam as fabrikë, magazinë.
Basha: Vjedhje e pastër.
Qytetar: Posta nuk sjell zarfin e energjisë në shtëpi.
Basha: Kokrra e hajdutit, kjo është. Po shoh edhe ambulancën. Lezha është një nga qytetet me shërbimin shëndetësor më të rrënuar në Shqipëri. Shkojnë pacientët nuk gjejnë as serume. Plasi epidemia e gripit. As Ibuprofen të lëngshëm nuk ka QSUT e Tiranës, në urgjencë.
10 shkolla janë mbyllur vetëm në Lezhë. Ndihmë ekonomike për ata që s’kanë bukë të hapë, jo. Vjedhje me energjinë e naftën. Ky është produkt i kësaj qeverie dhe i këtij kryeministri. Ai nuk ndjen asnjë përgjegjësi ndaj jush. Ju votën nuk ia keni dhënë. Ai votën e ka vjedhur, dhe e ka marrë me banditë e me kriminelë. Nuk ka asnjë rrugë tjetër përveçse të zgjidhim këtë kontratë një orë e më parë. Këtë kontratë e zgjidhni ju. Populli në shesh, më 16 shkurt, e zgjidh këtë kontratë. Partitë politike duhet të vijnë në pushtet me votë e duhet të largohen nga pushteti me votë. Më 16 shkurt nuk ju thërrasim për të na çuar ne në karriken e pushtetit. Ne duam zgjedhje. Në duam që të ju të vendosni me votë. Shikoni programin ekonomik dhe vendosni a ju a zgjidh programi ynë hallet dhe problemet dhe të votoni.Nëse ne e zbatojmë këtë program, përsëri me votë na vlerësoni. Me 16 shkurt po ju thërrasim të zgjidhni kontratën me këtë bandë që ka uzurpuar pushtetin dhe që s’ka asnjë lidhje me shqiptarët. Jini masivisht në Tiranë dhe merrni në dorë fatin tuaj!
***
Kryetari i PD, Lulzim Basha teksat takoi biznesin e vogël në Lezhë iu rikujtoi se me të ardhur në pushtet, i gjithë biznesi i vogël me nën 140 milionë lek të vjetra në vit do të përjashtohet nga TVSH, taksa do të jetë 0.5% e xhiros vjetore me një pullë të vendosur këtu në vitrinë.
Tregtar: Keni bërë shumë mirë që keni ardhur. Bashkia ka punuar, por qeveria na ka lënë në harresë.
Basha: Taksat e Bashkisë së Lezhës janë 20%-25% më të ulta se taksat e bashkisë së Sarandës. Çmimin e nergjisë e keni parë të rritet, çmimin e naftës e keni parë të arrijë kulmin. Askush s’e paguan naftën më shtrenjtë se shqiptarët. E ashtuquajtura “heqja e taksave për biznesin” është kthyer në një boomerang, me të gjitha gjobat, çmimin e rritur të energjisë dhe naftës, ndërkohë që kudo ku kam qernë më kanë thënë se xhiro ka rënë dhe njerëszit nuk kanë lek për të blerë.
Tregtar: Mezi nxjerrim bukën e gojës. Asgjë tjetër.
Basha: Kjo është gjendja kudo. Kjo situatë po çon në mbylljen më të madhe të biznesit të vogël në Ballkan. Sot që flasim 50 biznese të vogla do të mbyllin qepenat për të mos i hapur më. Dhe kjo ndodh çdo ditë. Kjo është e papranueshme. Familjarët po humbin bukën e gojës dhe punën. Qeveria nuk ka në vëmendje papunësinë e shqiptarëve. Nuk kanë këtë interes, porm pasurinë e tyre marramendëse. Kjo situatë do të marrë fund një orë e më parë. Qëllimi ynë është punësimi, prioriteti ynë kryesor. Ju duhet të vazhdoni biznesin për veten tuaj dhe punësim për njërëzit. I gjithë biznesi i vogël me nën 140 milionë lek të vjetra në vit, që jam i sigurt se ti nuk e ke as gjysmën e asaj xhiroje në Lezhë, do të përjashtohet nga TVSH, taksa do të jetë 0.5% e xhiros vjetore me një pullë të vendosur këtu tek vitrina jote, mirëqënie dhe punësim. Qëllimi ynë është të merrni diklë tjetër në punë, e jo të të mbyllet biznesi.
“Ditën e parë kur shqiptarët të na besojnë me votë, do të ulim energjinë deri në 40%”
Basha: Edi Rama premtoi se do të ulë energjinë. Energjia është rritur 100%. Ne kemi një plan për të ulur çmimin e energjisë mes 30%-40% edhe për biznesin që prodhohen, edhe për konsumatorin.
Fasha nën 300KW do të ketë ulje, familjet me ndihmë ekonomike, 200KW e parë do t’i kenë të paguara nga shteti. Sepse energjia prodhohet me kosto minimale. Këtë vit OSSH ka dalë me fitim 100 milionë Euro. 4 milionë e gjysëm i kanë futur nmë xhep brenda ditës. Kësaj duhet t’i japim fund. Që paratë të shkojnë subvencionim për shqiptarët që nuk kanë mundësi ta paguajnë.
Për të ulur çmimin për të gjithë shqiptarët dhe për të gjithë shqiptarët me ndihmë ekonomike.
Ne kemi planin për këtë të llogaritur me ekspertët më të mirë shqiptarë dhe gjermanë.
Jemi të gatshëm ta vëmë në jetë që ditën e parë që shqiptarët të na besojnë me votë.
Një tjetër bashkëbisedim kreu i PD e kishte me një tregtare e cila u ankua se “puna është zero”.
Basha: Në çfarë ore i ke përgatitur?
Tregtare: Që në 5. Puna zero. Xhiro fare, taksat në stratosferë.
Basha: Këto ditë isha në Fier e Mallakastër. Kam parrë rrugët kryesore bosh! Gjysma e bizneseve të mbyllra e gjysma ja kështu siç je ti. Kjo është e papranueshme, nuk ka përse të jetë kështu.
Do t’i japim fund, të gjithë bashkë!
