Pas Lezhës, kryetari i Partisë Demokratike, Lulzim Basha u ndal në Laç këtë të hënë, ku bëri apel për bashkim të qytetarëve në protestën e 16 shkurtit para kryeministrisë.
Basha tha se protesta është e gjithë qytetarëve dhe jo e Partisë Demokratike.
“Koha e fjalëve ka mbaruar. Ka ardh koha që populli të marrë fatin e tij në dorë. Ka 6 vite dhe e keqja vetëm sa është zhytar thelle e më thellë, skandal pas skandali, aferë pas afere, çdo ditë zbulohet se sa është e lidhur qeveria me krimin. Kjo qeverisja ka vetëm një slogan: Grabit shumicën dhe pasuro pakicën, s’ka punësim, zhvillim, Europë me Ramën. Sa të kemi një njeri si ai në krye të vendit negociatat prapë s’do hapen për herë të tretë dhe vendi do braktiset dhe shpresa do vritet. Unë se pranoj këtë, PD se pranon këtë, unë dhe PD kemi vendosur ti dalim për zot vendit, do ti marrim pasuritë oligarkëve dhe do ia japim popullit, Çdokush që ka shkelur ligjin do të përfundojë ku e ka vendin, prapa hekurave, duke filluar nga Edi Rama”, tha Basha.
Kryedemokrati shtoi se që të ndodhë kjo, më parë duhen institucione ligjore dhe një qeveri tranzitore që të garantojë zgjedhje të liria e të ndershme. Pikërisht për arritjen e këtij qëllimi, Basha i ftoi qytetarët në protestën e 16 shkurtit me qëllim rrëzimin e “qeverisë së lidhur me krimin”.
“Europa ka nevojë për ju, për revoltën e çdo qytetari për bashkim në 16 shkurt për ti dhënë fund qeverisjes së Ramës, qeverisjes së krimit”.
“Ndaj me këtë ftesë dua ti drejtohem të gjithë atyre që duan zgjidhje për probleme e përditshme, dua ti shoh në sy e ti them: kimi besim te njeri-tjetri, te Shqipëria dhe ejani të gjithë bashkë në 16 shkurt. Dita e ndryshimit po afron e ndryshimi është në dorën tuaj”, u shpreh Basha.
Në protestën e 16 shkurtit, Basha i drejtoi një ftesë edhe socialistëve të zhgënjyer nga qeverisja e Ramës:
“Thirrja për socialistët që janë të tradhtuar nga kjo qeveri që i shërben vetëm një grushti njerëzish, 16 shkurti është bashkim kombëtar, por që rrëzojmë një pushtet që nuk është i popullit”.
“Pas qeverisë kalimtare, iu ftoj të gjithë të votoni programin tonë ekonomik që ti shërbejë interesave tuaja”, tha Basha.
“Do ulim çmimin e naftës, do heqim taksën Rama mbi naftën”, premtoi kreu i PD, i cili shtoi se qeveria demokratike do opfrojë çmim më të ulët për energjinë për bizneset dhe qytetarët dhe “ndihmën ekonomike që asnjë familje të mos mbetet pa ujë bukë e drita”.
Punësim dhe mirëqenie për çdo shqiptar është alternativa jonë. Ne kemi një program europian me mbështetje qytetare”, u shpreh ai.
/Boldnews.al/
