Nisja e grevës nga akademikët dhe prania e Albin Kurtit në Fakultetin e Shkencave Sociale ka sjellë përplasje mes studentëve dhe rektorit të fakultetit.
Për mediat, Prof. Dr, Edmond Rapti u shpreh:
Rapti: Një pjesë tjetër e pedagogëve sot janë në një grevë të paralajmëruar këto ditë dhe një pjesë e studentëve vazhdojnë me të drejtën e tyre për të protestuar duke ndjenjur në hollin e takimit. Sa i takon zotit Albin Kurti, ai nuk ka marrë asnjë lloj kontakti me drejtuesit e Fakultetit dhe është i ftuar aty.Unë jam me studentët dhe i kam mnbështetur, edhe qeveria është me studentët.
E ndërsa Asambleja e Pedagogëve ka votuar pro bojkotit, Dekani pati këtë koment:
Rapti: Po ka votuar pro bojkotit dhe gjysma po bojkotojnë.
Deklaratat nuk u ranë për shtat studentëve që gjendeshin në oborr.
Teksa Dekani largohej, ata i thirrën: Tregoni që jeni me ne dhe jo me qeverinë. Greva e pedagogëve është zyrtare, mos gënjeni mediat. Po tregoni që jeni kundër studentëve, e keni bërë që ditën e parë.Mbyllet dhe ky në kullën e vet.
Një prej studentëve e përforcoi këtë qëndrim në një prononcim për mediat.
Studenti: Deklarata që ka bërë dekani i Shkencave Sociale është deklaratë e ardhur nga lart. Asambleja e pedagogëve është mbledhur siç e parashikon ligji, me shumicë votash ka deklaruar grevë. Dekani u dërgon emaile pedagogëve, hajdeni dhe bëni mësim. Dhe në korridore bën rolin e rojeve dhe u thotë studentëve, futuni në mësim ju. Këtu nuk zhvillohet mësim përveç 2-3 kokrrave që mund ti indentikoni shumë kollaj që janë nga strukturat partiake. Në fakultetin e Shkencave Sociale greva e pedagogëve është zyrtare dhe pedagogët e kanë grevën pa afat, nuk ka filluar mësimi.
Ka pasur presione?
Studenti: Ka nisur emaile në të gjitha grupet e klasave që të paraqiten studentët në mësim. Kanë nxjerrë dhe orarin zyrtar si do të zëvendësohen orët ndërkohë që sapo është shpallur greva e studentëve. Kjo është me tendencë në mënyrë që të ushtrojnë presion ndaj studentit që të futen në mësim. Kanë filluar dhe datat e provimeve.
E teksa Dekani flet për 10 klasa që kanë bërë mësim, studenti shprehet:
Studenti: Ngjituni dhe shikoni, kanë dhënë 2-3 klasa mësim që mund ti idenfikikoni shumë kollaj se nga cilat struktura janë.
Për praninë e Albin Kurtit, studenti pati këtë sqarim: E kanë ftuar studentët. Kanë ardhur 30 ligjërues, të gjithë të ftuar nga studentët. Nuk ka pse ta ftojë Dekani. Ne nuk kemi ftuar njeri me letra zyrtare dhe vula. Jemi studentë të fakultetit, nuk kemi vulë. Të gjithë ligjëruesit kështu kanë ardhur.
