Në bashkëpunim me partnerët e saj ndërkombëtarë, Policia Shqiptare ka përmbushur me sukses megaoperacionin “Rruga e Gabuar’ kundër lëvizjes me dokumenta të falsifikuara.
Ditën e shtunë nga ky operacion janë arrestuar 32 persona të cilët kalonin klandestinë me dokumente të falsifikuara në Evropë dhe në Shtetet e Bashkuara të Amerikës.
Këtë operacion e ka pasqyruar edhe prestigjozia ‘New York Times’ e cila thekson rëndësinë e tij kundër trafikut të klandestinëve dhe fallsifikimin e dokumentave e pasaportave nga vendet e lindjes që kanë destinacion vendet e perëndimit.
“Policia shqiptare ka shkatërruar një rrjet të dyshuar të falsifikimit të vizave dhe dokumenteve për trafikun ilegal të njerëzve drejt vendeve të Europës Perëndimore, Britanisë së Madhe, Shteteve të Bashkuara të Amerikës dhe Kanadasë”, shkruan artikulli.
Sipas njoftimit të policisë një dokument fals për të SHBA mund të merrej për 23 mijë dollarë ndërsa për në Mbretërinë e Bashkuar shifra shkonte deri në 10 mijë paund. /Boldnews.al/
