Juventusi e ka vendosur që do të kërkojë të rikthejë Paul Pogba në Torino në merkaton e verës. Është ky lajmi që ofron tabloidi britanik, “Daily Express”, i cili nënvizon se drejtuesit italianë e kanë vënë mesfushorin francez në krye të listës së tyre të shpenzimeve.
Mesfusha është reparti që ka më shumë probleme skuadra Juventine ku me përforcimin e Pogbas do të zgjidhte njëherë e mirë këtë ngerc të krijuar prej vitesh.
Pogba ka një kontratë me Manchester United deri më 30 qershor 2021, nga e cila përfiton 15 milionë euro në vit, por Juventusi është i vendosur që të shpenzojë dhe t’i garantojë të njëjtën pagë 25-vjeçarit.
Gjithsesi, më shumë në lidhje me këtë tratativë do të varet edhe nga mënyra sesi “djajtë e kuq” do të mbyllin sezonin, ku një moskualifikim për në Champions nga ana e anglezëve, do ta ndihmonte firmën e Pogbasë me Juven. /Boldnews.al/
