Qeveria po kërkon që të blindojë kufirin me policët e Frontex për shkak të flukseve migratore, ndërsa nga ana tjetër gjatë 2018 më shumë se 19 mijë shqiptarë janë larguar nga Shqipëria për të kërkuar azil në një nga vendet e BE. Opozita ngriti alarmin se numri i lartë i azilkërkuesve shqiptarë mund të pengojë hapjen e negociatave.
Brukseli është i shqetësuar për azilkërkuesit shqiptarë ne vende e BE-së dhe për këtë çështje Qeveria duhet të raportojë para Komisionit Evropian.
Kjo mund të jetë një arsye që vendet skeptike siç janë Franca, Holanda dhe Gjermania të mos i japin Shqipërisë ‘ok’ për hapjen e negociatave në qershor.
Alarmin e dhanë deputetët e opozitës në mbledhjen e Komisionit të Integrimit.
Pakica dhe shumica ndajnë shifra dhe arsye të ndryshme për numrin e shqiptarëve që kërkojnë azil në vendet e BE-së.
PD ju referohet shkaqeve ekonomike, ndërsa Ministria e Brendshmë mungesës së informacioneve.
Përveç shqiptarëve që kërkojnë të largohen nga vendi gjatë 2018 në vendin tonë janë ndaluar 6894 emigrantë të paligjshëm, kryesisht afganë dhe sirianë.
Ora News.tv
