Ka përfunduar java e 20-të e Kategorisë Superiore me dy ndeshjet e sotme të luajtura në orën 14:00.
Partizani ka marrë një fitore shumë të vështirë përballë Kamzës “B”, pasi plot 8 titullarë kanë bojkotuar sfidën dhe nuk pranuan të luanin përballë Partizanit. Golin e vetëm të takimit e ka shënuar Jasir Asani në minutën e 56′. Pas kësaj jave kamzalinjtë përfundojnë në vendin e fundit ndërsa Partizani marshon në krye të tabelës.
Në ndeshjen tjetër, Luftëtari ka marrë një fitore të pastër dhe shumë të vështirë në fushën e Laçit. Skuadra e Julian Ahmatajt, e rilindur dhe me shumë energij ka marrë trepikëshin jetik për mbijetesë. Dy golat e Kociolis në minutën e 2′ dhe Aleksit në të 40′-tën, kanë nxjerrë gjirokastritët triumfues në transfertën e vështirë kurbinase.
Tabela e renditjes pas javës së 20-të
