Pretendimi i Aqif Rakipit për tu rikthyer në Kuvend si deputet hidhet poshtë nga Gjykata Administrative.
Ish deputeti i PDIU-së, Aqif Rakipi, i shkarkuar me 5 vota pro dhe dy kundër, nga mandati i deputetit, ngre padi ndaj kuvendit duke nisur një tjetër betej ligjore. Tre ditë më parë, me kërkesë të prokurorisë, Komisioni Qëndror i Zgjedhjeve i hoqi mandatin e deputetit. Rakipi ju drejtua sot Gjykatës së Apelit Administrativ duke kërkuar shfuqizimin e vendimit të Kuvendit nr.17 pika Ç të vitit 2016. Vendimi për të hequr mandatin e deputetit Çam, erdhi pasi nga prokuroria u konstatuan shkelje te ligjit për dekriminalizimin.
Gjykata Administrative ka rrëzuar padinë e ish-deputetit Aqif Rakipi i cili kërkonte rikthimin në parlament. Gjyqtari Gentian Hamiti, në dhjetor të 2018-ës ka vendosur lënien në fuqi të vendimit nr.4 të KQZ-s dt. 5 janar 2018 që i hoqi mandatin z.Rakipi. Sipas gjyqtari Hamiti KQZ ka respektuar procedurën në rastin e ish deputetit Rakupi pasi i ka dhënë atij mundësinë e dëgjimit në një proces.
“Po kështu lidhur me procedurën administrative që ka lidhje me nxjerrjen e këtij vendimi, gjykata vlerëson se pala e paditur ka respektuar standardet e procesit të rregullt ligjor, të cilat nuk janë të kufizuara vetëm në procesin gjyqësor, por edhe në atë me karakter administrativ (vendimi nr.7 dt,27.02.2012 i Gjykatës Kushtetuese). Konkretisht Komisioni Qëndror I Zgjedhjeve ka zhvilluar seancën dëgjimore ku z.Aqif Rakipi është përfaqësuar në këtë seancë, nëpërmjet avokatit të tij. Për këtë është mbajtur dhe procesverbali i datës 03.01.2018. Pra paditësit i është dhënë mundësia për tu dëgjuar dhe mbrojtur në këtë procedurë administrative”, argumenton gjykata Administrative.
Rakipi, sipas prokurorisë së përgjithshme dhe komisionit qendror të zgjedhjeve u shkarkua si subjekt i ligjit të dekriminalizimit pasi Zyrës Interpol Roma i ka përcjellë Interpol Tiranës, pergjigjen e kerkuar nga Prokuroria e Pergjithshme me këtë përmbajtje: “Pas krahasimit të gjurmëve të gishtave, Aqif Rakipi është raportuar më datë 03.11.1998, për veprën penale të marrjes së mallrave të vjedhur, me gjeneralitete Skender Ejylbegaj, lindur me 24.03.1962, regjistruar më 08.10.1996, me gjeneralitet Aqif Rakipi, lindur me 01.04.1964”.
Vetë Rakipi e mohoi këtë version duke kërkuar në gjykatë mandatin e fituar në zgjedhjet parlamentare të 2017-ës. Mandati ju hoq edhe Gledion Rehovicës ish deputetit të LSI i cili vazhdon të jetë në proces gjyqësor me KQZ ndërsa prokuroria e Tiranës pushoi ndaj tij hetimet për falsifikim të formularit të dekriminalizimit.