Chelsea është rikthyer tek fitorja ndërsa Higuain tërhoqi vëmendjen më të madhe pasi shënoi dy golat e tij të parë me klubin londinez.
Skuadra e Sarrit fitoi me rezultatin 5-0 në “Stamford Bridge” dhe në këtë mënyrë ka ruajtur për momentin vendin e 4-t në Premier League.
“El Pipita” zhbllokoi shifrat në minutën e 16-të, ndërsa më pas skena ishte e gjitha për Hazard që realizoi me penallti në sekondat e fundit të pjesës së parë, ndërkohë që belgu trefishoi shifrat në fillimin e pjesës së dytë.
Higuain realizoi një supergol në minutën e 60-të për ta çuar rezultatin në 4-0, ndërkohë që David Luiz fiksoi rezultatin përfundimtar të ndeshjes.
