Përditësuar/ Kryetari i Partisë Demokratike, Lulzim Basha u shpreh nga Ballshi se është e nevojshme një qeveri kalimtare për të garantuar zgjedhje të lira e të ndershme.
Basha tha se interesi i qytetarëve masakrohet në parlament, nga deputetët e mazhorancës që sipas tij, shohin vetëm interesin e vet.
“A ndiheni të përfaqësuar a ndiheni të mbrojtur”, pyeti të pranishmit Basha, ndërsa në korr u dëgjua përgjigja “jo”.
“Ka ardhur koha ti hiqni autorizimin parlamentit dhe të zgjidhni kontratën me mazhorancën e lidhur me krimin me të cilën Rama sundon Shqipërinë dhe po tradhton shqiptarët. Vendi ka mundësi të dalë nga kriza”, tha Basha.
“T’ia heqim Mallakastrën dhe Shqipërinë nga kthetrat oligarkëve me planin antifia. Pasuritë e vjedhura do tu konfiskohen oligarkëve dhe do tu kthehen shqiptarëve”, deklaroi Basha, “nesër në pushtet PD s’do mjaftohet më pasuritë e do ti çojmë para drejtësisë.”
Kryedemokrati premtoi se kur PD të vijë në pushtet do ketë rritje pensionesh, pagash dhe ulje taksash, si çmimi i naftës apo energjisë elektrike.
Por, para së gjithash, shtoi kryedemokrati, “duhet një qeveri kalimtare për të përgatitur një proces të ndershëm zgjedhor dhe të jenë qytetarët ara që do qeverisin vendin”.
***
Qytetari-Bashës: Burrë shteti je kur mban fjalën, Rama gënjeu…/ Kreu i PD: Ejani në Tiranë më 16 shkurt t’i jepni fund! (VIDEO)
Kryetari i Partisë Demokratike Lulzim Basha u ndal sot në Ballsh ku zhvilloi një bashkëbisedim me qytetarë.
Kreu i PD-së u bëri thirrje qytetarëve ti bashkohen opozitës në protestën e 16 shkurtit në kryeqytet.
https://www.facebook.com/lulzimbasha.al/videos/284394032235166/
Pjesë nga bashkëbisedimi
Basha: Rrugët politike kanë mbaruar. Tani është në dorën e popullit. Është në dorën tuaj.
Naftëtar: Edi Rama erdhi dhe gënjeu 1 mijë punëtorë dhe u tha, do t’ju jap lekët dhe nuk u ka dhënë asnjë qindarkë. Burrë shteti je kur mban fjalën. Ne nuk po themi se fjala mbahet 100%, por të shkojë deri në 60%, si vjen e më gënjen mua?Ne kemi punuar atje dhe ai vjen e thotë do t’ju jap lekët e nuk na i jep.
Basha: Ai ka bërë pasuri për Beson, shokët e Besos dhe miqtë e tij. Ju e dini fare mirë se çfarë i ka bërë lekët ai. Lekët i ka ndarë me njerëzit e tij.
Naftëtar: Kam ardhur në këmbë 140 KM në Tiranë, erdhën naftëtarët thuajse për një pjatë supë. Unë erdha për lekët e mia dhe jo për një pjatë supë. Qëndruam edhe në shi dhe nuk erdhi asnjë qeveritar.
Basha: Unë e kam ndjekur problemin e naftëtarëve që në fillim. Ne jemi në pellgun më të madh naftëmbajtës të Europës. Në Bashkinë ku vjen era naftë, këtu nuk ka një qindarkë për naftën që përpunoni. Statusin e naftëtarit nuk jua dha. Sepse paratë shkojnë vetëm në një drejtim. Kjo punë do të zgjasë derisa ju t’i jepni fund. Ejani në Tiranë më 16 shkurt t’i jepni fund!
