Sekretari i Shtetit, Mike Pompeu ka njoftuar ditëne sotme se Shtete e Bashkuara do të tërhiqen nga traktati i armëve bërthamore të mesme, duke fajësuar Rusinë se nuk i ka respektuar ato për vite me radhë. Vendimi i marrë mund të përshkallëzojë një garë të re armësh bërthamore.
“Marrëveshjet që ne hyjmë duhet t’u shërbejnë interesave amerikane dhe vendet duhet të mbajnë përgjegjësi kur shkelin rregullat”, tha Pompeo.
Nënshkruar në vitin 1987 nga Presidenti Ronald Reagan dhe udhëheqësi sovjetik Mikhail Gorbaçov, traktati “kërkonte shkatërrimin e raketave balistike dhe raketave detare me distanca prej 500 deri në 5,500 kilometra, hedhësit e tyre dhe strukturat e mbështetjes shoqëruese dhe pajisjet mbështetëse”.
“Rusia ka shkelur traktatin për vite me radhë“, tha Pompeo. Për gjashtë vjet, të dyja administratat e Trump dhe Obama kanë ngritur shqetësime rreth sjelljes së Rusisë në lidhje me traktatin.
Në dhjetor, administrata Trump i dha Rusisë 60 ditë që të bien dakord për kushtet e traktatit, duke paralajmëruar se SHBA do të përgatiten të tërhiqen nga traktati nëse Rusia nuk do të pajtohet.
Që atëherë, “Rusia ka refuzuar të ndërmarrë ndonjë hap për t’u kthyer në përmbushjen e plotë dhe të verifikueshme të detyrimeve”, tha Pompeo.
Kjo do të thotë se më 2 shkurt, SHBA do të fillojë të tërhiqet nga traktati i vjetër dhjetëvjeçar.
