Një sasi prej 200 gram tritol ishte vendosur në hyrje të lokalit “Pavarsia” të Vlorës. Ngjarja dyshohet se është zhvilluar gjatë natës.
Eksplozivi ishte me fitil dhe ishte vendosur në hyrje të lokalit në pronësi të Adriatik Brahimit, por për fat të mirë nuk ka shpërthyer.
Pas konstatimit të pakos, menjëherë janë njoftuar ekspertët, të cilët kanë përckatuar llojin e lëndës plasëse.Mësohet se Adriatik Brahimit në nëntor të vitit të kaluar i plagosën djalin, B.Brahimi.
18-vjeçari u plagos me armë zjarri në lulishten e Universitetit të Vlorës, ndërsa si autor u identifikua shtetasi E. B. 18 vjeç.
Informacion paraprak
Më datë 31.01.2019, në orën 07:20, në lagjen “Pavarësia” Vlorë në hyrjen e një lokali në rrugën e “Çipajve” është konstatuar një pako e dyshimtë.
Grupi hetimor me ekspertët përkatës po kryejnë veprimet e mëtejshme për zbulimin dhe përcaktimin e përbërjes së saj.
