Ka pasur tensione në seancën e sotme në Kuvend, ku deputetët e opozitës kanë kërkuar me ngulm mbërritjen e Ramës në seancë, për t’i përplasur ‘’në fytyrë” investigimin e fundit të Zërit të Amerikës, ku disa zyrtarë të lartë të PS-së diskutojnë blerjen e votave.
Deputetët e PD-së kanë kërkuar që të mos flasi ministrja e re e Financave dhe Ekonomisë Anila Denaj, ndërsa mbajnë të rrethuar foltoren e Kuvendit.
Basha është shprehur se e vetmja zgjidhje për vendin është qeveria kalimtare, pa Edi Ramën, që mund të garantojë zgjedhje të lira.
“Ju jeni këtu për shkak të një grupi kriminelësh, ju jeni këtu se ata u kanë kapur prej tirandash e u kanë sjellë këtu. Ka 5 vite që ne e kemi thënë këtë, por ato u thanë dhe mbrëmë nga media me serioze “Zëri i Amerikës”.
Kryeautori i asgjësimit të zgjedhjeve, ai që e ka shndërruar këtë kuvend në një kuplara të krimit nuk denjon të vijë, nuk i bëjnë fajde ilaçet, i ka mbaruar pluhuri, problemi i tij, ne nuk pretendojmë të jemi në një seancë normale, kjo seancë duhet ndërprere dhe njeriu që ka përgjegjësinë për shndërrimin e Kuvendit në bodrum të krimit”, tha Basha.
Ndërkohë që kreu i PD-së i është drejtuar dhe Taulant Ballës me fjalët: Ju jeni qelbësira!
