Në 30 qershor të këtij viti do të mbahen zgjedhjet lokale, për këtë arsye Ministri i Punëve të Brendshme, Sandër Lleshaj ka lajmëruar se kartat e identitetit që skadonin këtë vit do të jenë të vlefshme deri në fund të 2019-ës.
“Është rezultat i një pune intensive që është bërë ditët e fundit, për të rritur kapacitetet e prodhimit për kartat e identitetit edhe në prag të zgjedhjeve, por edhe për të përballuar fluksin e madh, i cili lidhet me skadimin e një numri shumë të madh kartash, të cilat janë prodhuar pothuajse në të njëjtën kohë në vitin 2009”, u shpreh Lleshaj.
Ndërkohë që nuk dihet baza ligjore të cilës i referohet ministri. Nga ana tjetër në gjithë javët e fundit qytetarë të shumtë janë detyruar që të presin në radhë për shkak të fluksit mjaft të madh në zyrat e aplikimit.
