Studentët janë përplasur ditën e sotme me Erion Veliajn, gjatë një takimi të zhvilluar në Qytetin Studenti.
Gjatë paradites, Veliaj nisi një takim fasadë në godinat 26-27 në QS.
Pasi e nisi takimin në mënyrë se si di vetë, me lajka dhe buzëqeshje, studentët e pranishëm aty i kanë rrëzuar gjithë propagandën.
Studentët dhe aktivistët e Lëvizjes Për Universitetin, Arbjona Çibuku dhe Evelina Dëma, u ngritën në këmbë dhe jo vetëm denoncuan gënjeshtrat e Veliajt për rregullimet e godinave, por edhe i kujtuan se është përgjegjësi kryesor për vrasjen e punëtorit 17-vjeçar Ardit Gjoklaj.
Arditi kishte ëndërr të vazhdonte studimet universitare, por grykësia e Veliajt dhe pronarit të firmës së plehrave i morën jetën.
https://www.facebook.com/Albania.FlashNews.Media.Company/videos/973962996130945/
Të bezdisur nga e vërteta, shoqëruesit e Veliajt ndërhynë me forcë, tentuan t’u merrnin celularët dhe në fund i nxorën jashtë studentet nga godina e mjerueshme ku ato banojnë.
Jashtë keqbërësit nga mjediset universitare!
Drejtësi për Ardit Gjoklajn!
Studentët e bashkuar kanë për të fituar!
