Një rast i cili është një mrekulli e vet Zotit. Një 26-vjeçar, i identifikuar si shtetasi Zef Prronaj, ka rrëshqitur në zonën e Rrjollit të Malësisë së Madhe duke rënë në humnerë, në një thellësi rreth 20 metra.
Shkak për rrëshqitjen është bërë dëbora dhe ngricat që janë prezente ende në këtë zonë, duke bërë që i riu të marrë dëmtime të shumta në pjesën e trupit dhe fytyrë.
Për ta marrë ndihmën e shpejtë u desh ndërhyrja nga ajri dhe duke vlerësuar dëmtimet e marra, mjekët bënë dërgimin e tij urgjent për në qendrën spitalore universitare Nënë Tereza. Ai ndodhet aktualisht nën kujdesin e mjekëve dhe thonë se nuk ka rrezik për jetën.
