Kur flasim për gjërat më të pazëvendësueshme në larmishmërinë e ushqimeve që konsumojmë, për pjesën më të madhe prej nesh një vend të veçantë e zë çekollata.
Nëse jeni çokollatadashës i çmendur, në udhëtimin tuaj të radhës në Europë, nuk duhet të humbisni kurrsesi asnjë prej shteteve të mëposhtme, në rast se nuk e keni parë ende:
- Birmingem, Britani
Cadbury’s World është një prej dyqaneve-muze më të famshëm të shitjes së çokollatave në Britani. Kjo qendër e sheqerosur, siç i referohen vendasit, mund të gjendet fare lehtësisht edhe duke përdorur transportin publik. Turistët që e vizitojnë këtë dyqan-muze mësojnë në lidhje me historinë e prodhimit të çokollatës dhe të llojeve të ndryshme që ekzistojnë në Britani, që nga vitet e para të prodhimit e deri në ditët e sotme.
- Londër, Britani
Për të gjithë ata që kërkojnë krijime të veçanta të bëra me çokollatë, në Angli nuk mund të jepej një emër tjetër përveçse Paul A. Young, i cili njihet si një prej mjeshtërve më të mirë të çokollatave në dyqanin e tij të vogël në cep të rrugës në Soho.
Nëse jeni në Londër, në kohën e duhur, nuk mund të lini pa parë spektaklin Winning Charlie dhe The Chocolate Factory në teatrin e famshëm Drury Lane në Covent Garden.
Nëse jeni të akomoduar në një prej hoteleve One Aldwych, ju do të provoni një prej mrekullive të këtyre çokollatave që shërbehet me çaj gjatë vaktit të pasdites.
Choccywoccydoodah është një tjetër dehje nga kjo botë. Arti dhe dizajni klasik shkrihen në mënyrë të përkryer në çokollata të formave nga më të ndryshmet. Në këtë dyqan-muze do të gjeni shumë skulptura çokollate, ku të gjitha janë punime artizanale.
3. Bruksel, Belgjikë
Brukseli njihet për dyqanet e shumta të çokollateve gurme. Për të gjithë çokollatadashësit, Muzeu i Kakaos dhe Çokollatës (Museum of Cocoa and Chocolate) ofron shumëllojshmëri shijesh.
4. Paris, Francë
Parisi është shtëpia e shumë prej mjeshtërve të çokollatës dhe një prej qyteteve për të provuar disa prej çokollatave me shijen më delikate në të gjithë botën. Saint-Germain-des-Pres njihet për dyqanet e tij artizanale, ku ju mund të përzgjidhni çokollata të shijeve të ndryshme që nuk i gjeni në vende të tjera.
5. Gjenevë, Zvicër
Zvicra konsiderohet si një nga thesaret ndërkombëtare në botë në prodhimin e çokollatës. Ajo njihet nga kushdo për cilësinë e çokollatave që prodhon me në krye qytetin e Gjenevës. Auer është një nga dyqanet më të vjetra të ëmbëlsirave që datojnë në vitin 1939, ku një prej çokollatave tradicionale dhe më të kërkuara edhe sot është ajo me bajame të mbuluara me çokollatë, e cila ka mbishkrimin e Princeshë Amandës.
Favarger, një prej markave më të mira zvicerane të çokollatës që prodhohet në fabrikën artizanale në pronësi të familjes Favarger, ku ju keni mundësinë për të parë të gjithë procesin që nga kokrrat e kakaos e deri tek produkti final. Në fund të turit, secilit prej vizitorëve i jepet me vete një souvenir çokollate.
