Një nga dyshimet e forta të krimit në kryeqytet të ndodhur këtë të mërkurë është pista e hakmarrjes.
Vite më parë, një nga të afërmit e familjes Bilali akuzohej se ishte i përfshirë në një vrasje.
Vrasja
Ish-polici Arben Bilali, 50-vjeç, u qëllua me armë zjarri në zonën e Selitës pranë shkollës “At Zef Pllumi” në kryeqytet. Dyshohet se ai ka mbetur i vdekur gjatë një shkëmbimi zjarri me disa persona të tjerë. Edhe pse është transportuar me urgjencë në drejtim të spitalit, Bilali nuk ka mundur të mbijetojë për shkak të plagëve të marra. Ai ka marrë plumba në pjesën e barkut dhe gjoksit.
“Rreth orës 14:35 në zonën e Selitës është plagosur me armë zjarri një shtetas i moshës rreth 50-vjeç, i cili ndërroi jetë në spital”, njoftoi Policia e Tiranës.
Autorët, dyshohet se janë larguar me një makinë tip Benz pas krimit.
Nëntë vite më parë, Arben Bilalit i kanë bërë një atentat dhe po atë vit i kanë ekzekutuar të vëllanë.
Forca të shumta policore kanë shkuar në vendngjarje dhe kanë nisur veprimet e para hetimore për zbardhjen e krimit. /Boldnews.al/
Kush është ish-polici i ekzekutuar, atentati 9 vite më parë dhe vrasja e të vëllait
