Katër punonjese të një banke me kapital turk në Kosovë teksa po ktheheshin nga festa e fundvitit të punës, jane aksidentuar në rrugën Prishtinë-Ferizaj. Si pasojë e këtij aksidenti kanë vdekur dy femra, nderkohe qe shoferi dhe pasagjeri tjetër që ishte në makine janë në gjendje të rëndë shëndetësore, raporton Gazeta Express.
“Vdekjen e viktimave, L.S (femer) 23 vjeç dhe K. H ( femer ) 31 vjeç e ka konstatuar ekipi mjekesor ne vendin e ngjarjes”, ka thënë policia.
Varrimi i L.S do të bëhet sot në orën 14:00 në varrezat e lagjes Dragodan të Prishtinës.
Mësohet se dy të lënduarit e tjerë në këtë aksident janë nën moshën 30-vjeç dhe kanë marrë lëndime të shumëfishta si në kokë, gjoks, bark, etj.
Njëri prej të lënduarve është dërguar në reanimacion, për pak pritet që edhe tjetri të dërgohet në këtë repart, të dy jane pa vetëdije, tha për Gazetën Express, Nerxhivane Halmimi, Specialiste e Mjekësisë Emergjente.
