Një prej emigrantëve ka propozuar që duhet të krijohet një parti e re, nacionaliste që i djeg zemra për Shqipërinë. Gjatë protestës para kryeministrisë, emigranti tha se nuk kanë nevojë për një kryeministër si Rama, por as një kryeministër si Basha që fle gjumë.
“Duhet patjetër të formohet një parti, që i djeg zemra. Një parti nacionaliste që e ka emrin vetëm “shqiptar”. Unë e di që shumica e njerëzve nuk vijnë këtu se thonë për kë të votojmë tani? Prandaj i bëj thirrje, parti nacionaliste. Nuk ka rrugë tjetër. Kështu e votoi edhe Amerika Donald Trump që ishte vetëm një biznesmen dhe nuk ishte i përzierë në politikë, por i digjte shpirti për Amerikën”, tha Genc Sejko, shqiptar me banim në Britaninë e Madhe dhe njëherazi një prej organizatorëve të protestës.
