Belinda Balluku është emëruar nga kryeministri Edi Rama ministre e Infrastrukturës dhe Energjisë, duke zëvendësuar kështu Damian Gjiknurin.
Balluku, ish bashkëshortja e gazetarit Sokol Balla, nuk është një emër i panjohur publikisht. Ajo ka mbajtur ndër vite poste të rëndësishme.
Balluku ka qenë më herët shefe e marrëdhënieve me publikun në Bashkinë e Tiranës, kur bashkia drejtohej nga Edi Rama.
Ndërsa në 2015-n mori postin e drejtoreshës së ‘Albcontrol sha’ , ose siç njihej më herët, Agjencisë Nacionale të Trafikut Ajror (ANTA). Në krye të ‘Albcontrol sh’, Balluku u akuzua për kriijimin e borxhit prej 94 milionë euro borxhe.
Së fundmi Balluku, ka mbajtur postin e drejtoreshës së Aviacionit Civil.
Balluku ka qenë në fokus të disa skandaleve lidhur me përdorimin e fondeve në Albcontrol, ku për trajnime të rëndomta të punonjësve, janë shpenzuar qindra milionë lekë. Por, me sa duket në krye të Miistrisë së Infrastrukturës, ku qarkullojnë shumë para dhe tenderohen miliona euro, duhet gjithmonë njerëz me profile të tilla, si të zonjës Balluku.
Ajo që vihet re nga lëvizja e kryeministrit Rama, është fakti se ministri Gjiknuri largohet pas mega skandalit me tenderin e Unazës së Re, por projekti vijon dhe nuk ka asnjë reflektim. Tashmë stafetën për të kryer punët që dikur i kryente me përpikmëri Damian Gjiknuri, e ka Belinda Balluku.
Shtriga
Kujtojmë se në ceremoninë e inaugurimit të linjës “Air Albania”, Kryeministri Edi Rama e quajti drejtoreshën e Aviacionit Civil, Belinda Balluku “Shtriga e kuq e zi të Aviacionit”. “Faleminderit nga zemra të gjithë atyre që e bënë të mundur realizmin e kësaj ëndrre me vetëdijen e plotë që kjo ëndërr tani kërkon të mbahet gjallë dhe të bëhet fuqia tërheqëse e garancia e të gjithë shqiptarëve që do duan të fluturojnë në shtëpinë kuq e zi të ajrit dhe mbi të gjitha një falënderim shumë të veçantë për folësen e parë të këtij eventi, Belindën, “shtrigën” tonë kuq e zi të aviacionit, që ka bërë çka duhej me një profesionalizëm dhe me një vullnet e pasion pa të cilin s’do ishim këtu sot”, tha Rama asokohe.
