Prokuroria e Krimeve të Rënda kërkoi dënim me burgim të përjetshëm për Fadil Kasemin, për vrasjen e Fildes Hafizit, ish-bashkëshortja e tij. Në pretencën e mbajtur sot në Gjykatën e Krimeve të Rënda, prokuroria argumentoi se krimi është kryer në gjakftohtësi dhe autori kishte kohë që e mendonte vrasjen.
Ngjarja ndodhi dy vjet më parë në afërsi të zonës së “Xhamllikut” në Tiranë. Gjyqtarja Hafizi ndodhej në një parukri aty pranë dhe sapo është futur në automjetin e saj, Kasemi i është afruar duke e qëlluar disa herë me postoletë në gjoks dhe kokë.
Për pasojë ajo mbeti e vdekur në vendin e ngjarjes, ndërsa Kasemi tentoi të largohej. Pak minuta më vonë ai u vetëdorëzua në Komisariatin 1 në Tiranë, ku pranoi vrasjen.
Në sencat e mëparshme gjyqësore ai shprehej se konfliktet kishin nisur prej vitesh, menjëherë pasi Hafizi u emërua gjyqtare. Sipas tij ajo fliste “fjalë të mëdha” që ai nuk u kuptonte. Pas procesit të divorcint e kërcënoi disa herë, madje tre vjet më parë tentoi ta vriste më armë në plazhin e Glemit në sy të fëmijëve. Në rrethana mjaft të dyshimta Kasemi pasi kreu pak muaj burgim u la i lirë, në këtë mënyrë ai përfitoi nga dënimi i ulët për të vënë në zbatim krimin e rëndë të vrasjes së ish-bashkëshortes.
