Deklarata e gazetarit Sokol Balla lidhur me qeverisjen e Edi Ramës, në mandatin e tij të dytë, kanë sjellë një përplasje në distancë mes tij dhe deputetit demokrat Edmond Spaho.
Kreu i grupit parlamentar të PD-së i rekomandonte Ballës që do të ishte më mirë që të shpallte anëtarësinë e tij në PS në vend që t’i bënte Ramës në çdo rast avokatinë.
‘’I dashur mik Sokol. Do ishte me mire per ty qe te antaresohesh edhe zyrtarisht ne Rilindje. Nuk eshte turp qe te jesh anetar i PS, kete nuk mund ta them per Rilindjen. Eshte realitet qe qeveria e sotme eshte edhe me e keqe se ajo para 2017. C’lind nga macja do gjuaj minj. Cdel nga Rilindja zor se do heqe dore nga hajduteria dhe bashkepunimi me krimin dhe oligarket.
Atje ku gabon ti Sokol, dhe kete e ben me qellim, eshte konkluzioni qe kjo qeveri qenka me e mire se cdo kabinet i mundshem i opozites. Kete e thua qe te bindesh naivet qe Rama eshte e keqe e domosdoshme. Cilet nga opozita te duken ty Sokol se jane hajdute apo te lidhur me kriminelet? Perse perfaqesuesit e opozites te duken me te zinj se Rama, Damiani, Arbeni, Vangjushi, Qazimi e plot e plot te tjere. Privilegjet qe te jep miqesia me Ramen te kane rrezuar edhe genin e fundit te objektivitetit profesional. Prandaj Sokol te them antaresohu ne Rilindjëe”, shkuante Spaho.
Ndërkohë që nuk ka vonuar as përgjigja e Ballës, i cili thoshte se Spaho ishte mërzitur me të për shkak se i kishte sharë qeverinë që i paguan dietat dhe udhëtimet jashtë vendit.
‘’Pas nje shkrimi tim kritik per Qeverine, ku shprehja mendimin per ndryshime ne kabinet, me i merzituri prej tij, me rezultoi kreu parlamentar i PD, miku Mond Spaho. Ndjese miku im qe te kritikova Qeverine tende. Ate qe te paguan rrogen, dietat, udhetimet jashte shtetit’’, shkruan Balla.
Spaho e ka pasur dhe një përgjigje tjetër për Ballën ku shkruan: Faleminderit Sokol per pergjigjen. Per fat, reagimet tona jane botuar se bashku ne shkrim dhe cdokush mund te kuptoje se cfare te thashe une dhe perse u pergjigje ti. Halli yt nuk eshte te kritikosh por ta shpetosh Ramen duke denigruar opoziten. Keni marre huqet e Rames kur pergjigjeni.
