Kryeministri i Kosovës Ramush Haradinaj është vënë nën ‘ciklonin’ e mediave në Kosovë se, përpos fryrjes së administratës së tij, ka punësuar një numër të madh të vajzave të reja “hot” që punojnë me të.
Kryeministri i Kosovës, Ramush Haradinaj, ka si asistente personale, Bezi Osmanin, e cila në paraqitjet e saj, nëpër rrjete sociale, shfaqet mjaft ekstravagante në veshje e stil. Osmani shquhet për stilin e ekstravagant, edhe kur kryen punën si asistente e kryeministrit e veçanërisht jashtë zyrave të kryeministrisë.
Numri i këshilltarëve të kryeministrit Haradinajt shkon në 11. Pjesë e stafit është edhe Diellza Hoti, e cila ka rolin e Këshilltares politike për kryeministrin Haradinaj.
Diellza Hoti është këshilltarja më e re e kryeministrit, pasi ajo është vetëm 23 vjece. Përveç se e re, ajo shquhet edhe për pamjen dhe elegancën e saj, të cilën e shfaqë përmes fotografive që i publikon herë pas here. Diellza Hoti, këshilltarja e re e Kryeministrit Ramush Haradinaj, ka pushtuar faqet e medieve rozë menjëherë pas emërimit të saj.
Bukuria e saj ka zgjuar vëmendjen e të gjithëve derisa u identifikua si politikania më simpatike shqiptare. Ajo ka titullin akademik bachellor, derisa studimet i ka kryer në njërin prej universiteteve private në Kosovës. Dega të cilën e ka studiuar, është Shkenca politike. Mirëpo mbetet e paqartë se sa mund të kontribuojë një 23 vjeçare, sidomos në postin e këshilltares politike të kryeministrit Haradinaj, kur dihet se zakonisht këshilltarët e kryeministrave, anë e mbanë botës duhet të kenë bagazh të madh intelektual mbi supe.
Vlen të theksohet, se këto punëtore, këshilltare të cilat i kushtojnë një rëndësi të madhe pamjes së jashtme, janë një shembull jo i mirë për rininë e Kosovës, të cilëve nuk u mjafton as titulli master për të gjetur punë në Kosovë, raportojnë mediat në Kosovë. Në faqen e Qeverisë së Kosovës nuk figuron asnjë kriter që tregon kushtet që duhet të ketë një këshilltar politik.
