Një i ri shqiptar ka humbur jetën mëngjesin e sotëm pas një aksidenti të rëndë të ndodhur në një prej rrugëve provinciale në Torino.
Sipas policisë italiane rreth orës 06:30 minuta një makinë Citroen është përplasur me një makinë Fiat.
Nga përplasja ka humbur jetën në vend shoferi shqiptar i identifikuar si Rajmond Thaçi.
Ai ishte në makinë bashkë me një vajzë rumune, Alexandra C. I., banuse në Nichelino.
Kjo e fundit dhe shoferi i Fiat-it ndodhen në spital në gjendje të rëndë, por jashtë rrezikut për jetën.
