Taksa e “Rrugës së Kombit” duket se ka dhënë edhe efektet e para. Në dy muajt e fundit, sipas të dhënave të INSTAT, është ulur numri i shqiptarëve të Kosovës që kanë hyrë në vendin tonë, në krahasim me të njëjtën periudhë të një viti më parë.
Sipas të dhënave të INSTAT, në muajin nëntor kanë hyrë në Shqipëri rreth 69 mijë shqiptarë nga Kosova, ndërsa në të njëjtën periudhë të një viti më parë numri i tyre ishte rreth 93 mijë. Po kështu, rënie ka shënuar edhe muaji tetor ku kanë hyrë afro 15 mijë shtetas më pak se tetori i 2017-ës. Në total, në dy muaj janë 40 mijë shtetas më pak krahasuar me vitin e kaluar.
INSTAT sqaron gjithashtu se nga periudha janar-nëntor 2018 në Shqiëpri kanë hyrë afro 5.6 milionë shtetas.
