“Kanë kokainën më të pastër”, mediat britanike: Shqiptarët po mbushin vendin me drogë

“Daily Star” në një artikull të saj ka dhënë alarmin se bandat shqiptare po mbushin gjithë Mbretërinë e Bashkuar me kokainë të cilësisë së lartë.

Një burim i “Daily Star” që merret me një grup shqiptar në Manchester të quajtur “The Albanians”, u shpreh se:

Grupet kriminale shqiptare po trafikojnë kokainë 85% të pastër. Ata e shesin 1 gram për 100 Paund. Më së shumti aktiviteti shtrihet në zonat më të rëndësishme të Britanisë si Londra, Manchester-i, Birmingham-i dhe Liverpool-I. Ata drejtonin trafikun në Londër, por tani po drejtojnë këtu, në Liverpool dhe në të gjithë qytetet e mëdha. Ata kanë kokainën më të pastër dhe janë shumë të fuqishëm”.

Ndërkohë një zëdhënës i policisë së Merseyside ndaj krimit të organizuar u shpreh se mafia shqiptare ka shumë ndikim në disa qytete të Britanisë.

Andy Cooke u shpreh se:

Sfida është shumë e madhe me vendet e Ballkanit sepse nuk kemi si të lidhemi me ta. Është shumë e vështirë të infiltrosh njerëz aty pasi janë komunitete që njihen me njëri-tjetrin”.