Një atentat ndaj kryeministrit të Izraelit ishte planifikuar në Shqipëri, raporton media prestigjioze izraelite “The time of Izrael“.
Sipas “The time of Izrael” targeti i sulmit të dy iranianëve ka qenë pikërisht kryeministri Benjamin, i cili rreth një muaj më parë anuloi dhe një vizitë zyrtare në vendin tonë. Asokohe u tha se vizita e kryeministri izraelit nuk kishte ardhur në Shqipëri, për shkak se kishte ndërruar jetë ministri i tij i Financave, gjë që nuk qëndronte pasi Netanyahu u shfaq pak ditë më pas në një takim me liderit e rajonit ballkanik, ku Edi Rama mungonte.
Media nuk jep detaje të tjera lidhur me këtë sulm, po shton se vetë Netanyahu e ka përshëndetur vendimin e Tiranës zyrtare për largimin e diplomatëve, duke thënë se duhet t’iu jepet fund akteve komplotiste nga Irani.
“Me këtë veprim Rama u ka dërguar një mesazh të qartë regjimit islamik radikal Iranian – që komplotimi i sulmeve terroriste ka kosto. Izraeli qëndron përkrah Shqipërisë dhe çdo shteti që e sheh regjimin Iranian ashtu siç është: Rreziku më i madh për paqe dhe siguri në botë”, shkruante dje në Twitter kryeministri Izraelit.
