Kryeministri Edi Rama ka reaguar pas incidentit në Kuvend, ku deputeti i Partisë Demokratike, Endri Hasa, e qëlloi me vezë.Rama në një postim në Twitter shkruan se opozitës pasi janë kthyer nga qëndrimi i gjatë rrugëve, kanë vrarë kokën koteceve duke dhunuar pula e vjedhur vezë.
“Të kthyer pas një qëndrimi të gjatë rrugëve, opozitarët tanë jo vetëm duket e paskan të vështirë të përshtaten me rregullat e sjelljes jorrugore, po si duket e paskan vrarë kohën koteceve duke dhunuar pula e vjedhur vezë, kur kaluan në ilegalitet nga frika e mllefit të studentëve”, shkruan Rama në mediat sociale.
Kujtojmë se sot në nisje të seancës deputeti Endir Hasa qëlloi me vezë Kryeministrin, duke i thënë se e kishte nga studenët. Më pas Hasa është përjashtuar nga seanca plenare.
