Studentët vijojnë protesten e tyre masive në të gjithë Shqipërine dhe kanë dalë hapur kunder dialogut me Edi Ramën por kembëngulin vetëm në realzimin e kërkesave të tyre.
Ndërkohë disa personazhe publike kane dale ne kreh te kreut te qeverise dhe kunder studentreve për dialogun.
Luigi Soreca
Ambasadori i Bashkimit Europian në vendin tonë, Luigi Soreca ka reaguar për protestën e studentëve që vazhdon, duke thënë se po e ndjekin me interes këtë ngjarje.
“Po ndjekim protestën e studentëve me vëmendje”, ka thënë ambasadori Soreca duke bërë apel për një dialog mes qeverisë dhe studentëve, si e vetmja zgjidhje.
Këtë deklaratë, ambasadori i Bashkimit Europian e bëri gjatë një konference për shtyp me ministren e Drejtësisë Etilda Gjonaj.
Ambasadori i OSBE Borchardt
Kreu i prezencës se OSBE-së në vendin tonë, ambasadori Borchardt ka theksuar se është në mbështetje të protestës së studentëve, për sa kohë që ajo është paqësore.
Deklaratën Ambasadori Borchardt e ka bërë nga Shkodra, ku OSBE dhe Universiteti i Arteve hapen në hollin e bashkisë së Shkodrës, ekspozitën “Krimi mjedisor”.
“Une e mbështes protestën për sa kohë është paqësore”- tha ambasadori, ndërsa u shpreh se është në mbështetje edhe të dialogut.
Kengëtari Noizy
“Dhe në Shqiperi, duam s’duam, ka nje te pare shtepie, fundja fundit vete e kemi zgjedh. Tani nese une do doja disa ndryshime do beja çmos ta ulja baben ose te zotin e shtepise per te biseduar se si mund t’ia dalim mbane! Ndaj per zotin nuk po e kuptoj se PSE dhe CFARE te keqe ka te uleni dhe te veni pikat mbi i”.
“Me vjen sinqerisht keq per te gjithe ata studente te shkrete qe me verte i duan keto ndryshime pa ndikimin e politikes. Pa marre parasysh as PD as PS, mblidhini forcat dhe largoni njerzit qe ju peshperisin mbas veshi.
Rezarta Shkurta
“Deri dje isha me studentët, sot mendoj se po bëjnë kapriço”
Kështu shkruan këngëtarja Rezarta Shkurta, gruaja e Ermal Hoxhës, nipit të ish diktatorit, të liruar pak kohë nga burgu pas dënimit për laboratorin e ‘Xibrakës’.
Ndërsa panelin e gazetarit Blendi Fevziu, Rezarta e cilëson ‘panel kllounësh cirku’ .
Në fund, gruaja e Ermal Hoxhës mbështet plotësisht Ramën dhe kërkesën e tij për dialog, kërkesë kjo që është refuzuar nga studentët .
“Diçka nuk kuptoj unë. Kryeministri i Shqipërisë thotë: Do i plotësojë çfarë kërkoni por hajdeni të dialogojmë dhe rinia vazhdon akoma në protestë. Deri dje isha me studentët, sot mendoj se po bëjnë kapriço…
Mos të flas për Fevzon që krijon një panel kllounësh cirku, që i kërkojnë llogari Kryeministrit pse nuk ka bërë në kohë rekord një Shqipëri perfekte kur jo më larg se dje ishte turp të vije rripin e sigurimit.
Unë nuk kam asnjë bindje politike, por gjithsesi jam pro dialogut.”- është shprehur Rezarta në postim e saj.
