Ramës i ka dalë jashtë kontrollit takimi me studentët e Universitetit “Ismail Qemali” në Vlorë. Të shumtë ishin studentët që u larguan nga salla dhe u duartrokitën nga të tjerë.
Një prej studenteve i kërkoi Ramës që të ishte i prerë për vendimin e tij për 8 kërkesat.
“Duhet të kuptohet diçka këtu nga të gjithë, që ne si studentë që kemi kaq ditë, nuk kemi protestuar kot, nuk jemi budallenj, nuk jemi me parti politike. Kemi ndenjur në shi në të ftohtë. Ne zotëri jemi një pjesë e atyre që e shikojmë si të vetmin njeri që mund të bëjë diçka. Ju e keni keqkuptuar. Ne s’kemi kërkuar të rrëzojmë qeveri, ne kemi kërkuar të drejta bazike. Ju zotëri i keni 8 pikat të zezën mbi të bardhë. Ju thoni dialog, ju duhet të thoni po ose jo. Kur të thoni po, ne do ulemi si qysh tek, si do bëjmë me këto pika,” tha vajza.
Rama se kërkesat e tyre mund të trajtohen me dialog, gjë e cila u kundërshtua nga studentët. Një pjesë e mirë e tyre u larguan nga takimi me thirrjet “S’ka negociata” dhe “E duam Shqipërinë si gjithë Europa”.
