Prej ditësh në media po hidhen dyshime dhe aludime për një lidhje mes këngëtarit Flori Mumajesi dhe këngëtares Kejsi Tola.
Këto dyshime filluan që tek ‘Post Kënga Magjike’ ku dyshja u shfaqën shumë të afërt me njëri-tjetrin.
Teksa Kejsi këndonte, Flori e përqafonte, i drejtohej me fraza nga teksti i këngës, bënte gjeste romantike.
Jo vetëm kaq po Flori i hodhi më shumë bënzinë zjarrit me një foto tjetër të Kejsit në Instagram shoqëruar me një zemër.
Fotoja duket të jetë shkrepur në një studio muzikore ndoshta në ambientet e “Threedots”.
Nuk ka mjaftuar vetëm kjo foto por edhe ditën e djeshme, Flori ka postuar një foto në Instagram, ku shihet përkrah Kejsi Tolës dhe disa miqve të tjerë.
Ata shfaqen të qeshur duke ngritur dolli me njëri-tjetrin.
Kaq ka mjaftuar që fansat të nisin dhe të komentojnë, ku bien në sy komentet mbështetëse për Florin.
Njëra nga komentueset, i shkruan Florit: “Njëra ikën, vjen tjetra”-duke e ngacmuar kështu për këngëtaren Elvana Gjata.
