Pavarësisht motit të keq, protesta e studentëve po zhvillohet përpara Kryeministrisë në Tiranë. Të rinjtë janë mbledhur sërish sot për të kërkuar pranimin e tetë pikave që, sipas tyre, do të përmirësojnë kushtet për studentët dhe cilësinë e arsimit në Shqipëri.
Sot protestës i janë bashkuar edhe një numër i konsiderueshëm i prindërve, të cilët mbështesin kërkesat e fëmijëve të tyre.
Në ditën e 11-të të protestës nuk ka ende asnjë tërheqje nga kryeministri Edi Rama, i cili kërkon dialog me studentët, por që refuzohet me vendosmëri nga këta të fundit.
Pedagogë dhe intelektualë të shumtë kanë theksuar se tetë pikat janë menjëherë të realizueshme, por përpjekja e kryeministrit Rama për dialog bëhet vetëm për të larguar fokusin nga problemet e shumta që kanë universitetet.
