Sardenja është destinacioni më i kërkuar në Google nga italianët kur bëhet fjalë për turizmin dhe pushimet. Por rezultatet e vitit 2018-të kanë nxjerr një fakt interesant, Shqipëria renditet e dyta si fjala më e kërkuar në Google nga turistët italianë.
Vendi ynë ka arritur të ngjitet në majë të preferencave të shtetasve të Italisë, të cilët preferojnë të kalojnë pushimet jashtë vendit të tyre.
Sipas të njëjtave të dhënave, Siçilia renditet në vend të tretë në motorin e kërkimit për vitin që po mbyllet, e më pas vijojnë Greqia dhe Kroacia, që pëlqehen shumë nga italianët, ndërsa në vend të gjashtë ndodhet Toskana e ndjekur nga Zanzibari ekzotik dhe Korsika.
Klasifikimin e 10 më të kërkuarave e mbyllin Salentoja dhe Abruco.
