Gjatë mesditës së sotme, në Universitetin “Fan Noli”, në qytetin e Korçës u tentua të zhvillohej një marrëveshje mes senatit akademik dhe një grup studentësh për ndërprejen e protestave dhe rifillimin e zhvillimin të mësimit.
Por, që në fjalët e para të rektorit Ali Jashari, i cili ju tha lereni protestën dhe hajdeni në mësim, salla u braktis nga studentët. “Këtu nuk jemi në opinion, nuk e dëgjuat fjalën tonë” u shpreh përfaqsuesja e këshillit studentor duke u larguar nga takimi dhe pas saj të gjithë studentët e pranishëm.
Nuk dihet nëse ky takim u zhvillua me një urdhër të kryeministrit Edi Rama në mbledhjen e djeshme me rektorët e gjithë universiteteve apo ishte një mendim i vet stafit akademik të Universitetit të Korçës.
Një revoltë e tillë, është shenjë shprese në Shqipëri ku ishim mësuar të shikonim “më të vegjëlit” të nënshtruar ndaj “më të medhenjëve” dhe ka ardhur koha që të gjithë të reagojnë përpara padrejtësive.
