Reagimi i Taulant Ballës sot në mesditë menjëherë pas thirrjes së studentëve për të mbledhur në seancë të jashtëzakonshme Kuvendit me qëllim miratimin e tetë kërkesave në Ligjin e Arsimit të Lartë, nuk paska qenë krejt i rastësishëm.
Mësohet se Taulanti ka nisur negociatat me studentët për të bindur një grup prej tyre që të marrë pjesë nesër në një takim të planifikuar me Edi Ramën në Kryeministri. është faqja e Instagramit “Universiteti.info” që ka publikuar mesazhin e një studenti që tregon për bisedën telefonike që ka zhvilluar me zyrën e Taulant Ballës, kreu i Grupit Parlamentar të Partisë Socialiste.
“Sapo më morën në telefon nga zyra e Taulant Ballës dhe më thanë që ditën e hënë, në orën 17:00, ka takim me studentët në ish-Bllok. Si mua kanë marrë dhe shumë të tjerë besoj”, thuhet në mesazh.
Sipas këtij studenti, Balla kërkon të zhvillojë takim me të rinjtë në një prej lokale të ish-Bllokut në kryeqytet. Kjo kërkesë i është bërë edhe shumë studentëve të tjerë.
Për Taulant Ballën ka patur edhe më parë denoncime se po përdor disa prej të rinjve nga Librazhdi për të ndikuar protestën.
