Në pamundësi për të përballuar shkollën, studentët sakrifikojnë duke bërë punë nga më të ndryshmet.
Një rast i tillë është edhe historia e një studenteje të juridikut, e cila ka qenë e detyruar të punojë natën për të përballuar shpenzimet e shkollës, ndërsa ditën frekuentonte fakultetin.
“Unë kam bërë diçka që jam ndjerë e paragjykuar sepse jam edhe femër. Kam punuar natën, sepse ditën unë duhet të humbja shkollën dhe ditën e kam zëvendësuar me natën. Natën jam përballur edhe me rreziqe, jam përballur edhe me opinionin që punoj natën, në fakt e kam bërë për të përballuar tarifën, për të blerë librat dhe për të përballuar shpenzimet si studente”, shprehet studentja për Ora News.
Vajza thekson se familja e saj mbahet vetëm nga asistenca e babait, por se nuk ndihet e frikësuar se atij mund t’ia heqin atë, pasi kauza është më e madhe se kaq.
“Mua personalisht në familjen time mund të mi heqin asistencën sociale babit tim që është i trajtuar. Nëse babai im e humb asistencën vetëm për këtë arsye babai im do jetë shumë krenar që unë kam shkuar në shkollë duke punuar në mal dhe kam ardhur në Tiranë me lekët që kam mbledhur në mal duke mbledhur sherebelë dhe kam ardhur në Tiranë duke punuar natë dhe babi im më ka hapur derën natën, ndërkohë që shumë njerëz mund ti paragjykonin vajzat që punonin natën. Unë kësaj kauze nuk i jap vetëm asistencën e babit tim, por i jap gjithcka që ka shtëpia ime, sepse gjithcka që ka dashur shtëpia ime ka qenë arsimimi i drejtë”.
“Nëse babi im e humb asistencën unë do punoj natën dhe një punë tjetër dhe lekët do t’ja jap babait”, përfundoi ajo e përlotur.