Karta e Studentit është një premtim i bërë nga kryebashkiaku i Tiranës Erjon Veliaj, plotë tre vite më parë. Por, duket se fjalët e kreut të Bashkisë së Tiranës, ishin mashtrim dhe tashmë pajisa me karta studenti është një nga pikat që stundetët kanë renditur në kërkesat e tyre.
Pamjet, me zë e figurë, kur Veliaj bën premtimin për kartën e studentit, i ka shpërndarë Ina Zhupa, zëdhënësja e Partisë Demokatike.
Në video shihet se si Veliaj, nga 2015-a, çdo vit, ai bën të njëjtin premtim, dhe çdo vit, fjalët i mori era…
“Karta e Studentit mashtrimi i Veliajt për 3 vjet e gjysëm. Tirana ka numrin më të lartë të studentëve në vend, gjithashtu ka edhe shpenzimet më të larta për jetesë, për aktivitete, për qarkullim. Kryebashkiaku i Tiranës mashtruesi Veliaj i ka premtuar studentëve të këtij qyteti cdo vit, duke ju thënë që e ka gati, që do jetë plot me lehtësira, dhe lloj lloj mashtrimesh stili i tij. Sot dekoron pemët, thua se protesta nuk është edhe për mashtrimet e tij. A ke një përgjigje për studentët? Apo fshihesh edhe ti si Lindita pas liderit suprem Rames”, shkruan Zhupa në një status në Facebook.
/Boldnews.al/