Pamjet që shihni në videon që e sjell ekskluzivisht Boldnews.al i përkasin protestës së studentëve te rrethrrotullimi i “Zogut të Zi”. Siç duket edhe nga pamjet studentët janë ndarë në katër segmente të ndryshme të hyrje-daljeve në rrethrrotullim, duke paralizuar lëvizjen e automjeteve prej më shumë se një ore.
Ata paralajmërojnë se do ta mbajnë të bllokuar rrugën, duke mospërjashtuar as mundësinë e qëndrimit gjatë gjithë natës aty, nëse s’do ketë asnjë reagim nga Qeveria për tetë kjërkesat e tyre.
Paralelisht protestohet edhe te Ministria e Arsimit, një strategji e studentëve kjo për të paralizuar të gjithë kryeqytetin. Përshkallëzimi i protestës së studentëve erdhi pas injorimit nga qeveria të ultimatumit të vendosur prej tyre.
