Kryeministri Edi Rama i ka mëshuar idesë se kërkesat e studentëve kanë nevojë për dialog. Rama tha se në rastin e VKM-së që detyronte studentët të paguanin shtesë për provimet e mbartura, nuk kishte nevojë për diktim, ndryshme nga kërkesat e tjera.
“VKM ka dalë në maj jo sot, dhe atje më korrigjoni nëse gabohem ka ndodhur diçka e çuditshme. Ka dalë një lajmërim që kësti që normalisht duhet ta paguanin në janar duhet ta paguajnë tani. Kjo ka elektrizuar të gjithë se papritur e pakuptuar iu del një lajmërim i pa miratuar nga bordi, ndryshe nga zakoni dhe i është thënë se duhet të paguani dhe shihni se keni dhe këtë VKM-në”, tha Rama në emisionin “Top Show”.
Duke u ndaluar te kërkesa për përgjysmimin e tarifave tha: “Tarifat janë problem për disa arsye. Tarifat s’janë shpjeguar ndonjëherë pse janë aq dhe s’janë aq. Tarifat i vendos universiteti. Janë produkt i kërkesës së madhe për autonomi. Autonomia s’është liri pa përgjegjësi, është përgjegjësi për të cilën kërkon litinë e nevojshme dhe tarifat për studentët duhet të keni parasysh që janë një pjesë e kostos së çdo studenti. Qeveria financon mesatarisht 75 të kostos së çdo studenti. Tarifat, këta kanë shumë të drejtë dhe pika e VKM-së ishte diçka që s’ke ça dialogun. Unë thirra ministren e më tha që ka dalë në maj si kërkesë unanime e fakulteteve. Nikolla mund të ketë shumë të meta, por ka një të mirë që asnjëherë s’ka sjellë në qeveri për të miratuar pa marrë ok e dekanëve”.
“Pikën e kanë vënë strukturat. Ne s’kemi nevojë për tarifat jam i gatshëm të shkojmë përtej saj”, shtoi.